Goqa v Nombuso (A639/2003) [2004] ZAWCHC 33 (12 November 2004)

About SAFLII
Databases
Search
Terms of Use
RSS Feeds
South Africa: Western Cape High Court, Cape Town
SAFLII
>>
Databases
>>
South Africa: Western Cape High Court, Cape Town
>>
2004
>>
[2004] ZAWCHC 33
|

|

Goqa v Nombuso (A639/2003) [2004] ZAWCHC 33 (12 November 2004)

KWINKUNDLA EPHAKAMILEYO YOMZANTSI
AFRIKA
(ICANDELO LENKUNDLA YECAPE OF GOOD
HOPE)
[IYABIKEKA]
ITYALA ELINGUNOMBOLO: A639/2003
Kwityala
eliphakathi kuka:
MANEKATI
GOQA
Ofake
isibheno
kunye
NOMBUSO
Umgwebi
ISIGWEBO SIKHUTSHWE MHLA ZIYI12
KWINYANGA KA NOVEMBA 2004
Hlophe,
uMongameli weejaji
UMnumzana Goqa uvele kulenkundla
wayebekwe ityala lokudlwengula. Waye wafumaniseka enetyala uMnumzana
Goqa emva kokuba ityala lakhe
lithethwe yinkundla yaseRegional Court,
yamgweba iminyaka elishumi. UMhlekazi Goqa namhlanje uvela kule
nkundla phambi kwethu efake
isibheno malunga nesigwebo sakhe
seminyaka elishumi.
Malunga
nomba wokuba efumaneke enetyala wagwetywa egwetywelwa ukudlwengula
asikho isibheno. Silapha ke sizijaji, mna noMhlekazi lo
uZondi
esichophele kunye esisibheno, siye sayifunda yonke irekhodi,
sanelisekile yinto yokuba lomhlekazi wadlwengula nyani. Naxa
sijonga
ijudgment yenkundla yeRegional Court, icacile loo nto ukuba ijudgment
isemgangathweni iyabonisa into yokuba wadlwengula umhlekazi.
Ngokucacileyo ngoko ke asinakho ukuthetha ngento yokuba wadlwengula
okanye akazange adlwengule kuba icacile wadlwengula.
Inye
qha into esinokuthetha ngayo namhlanje, imalunga nesentence.
Mhlekazi, ityala lokudlwengula yinto embi kakhulu kwaye imasikizi.
Xa
sijonga indlela inkundla le yeRegional Court eyijonge ngayo yonke
lento loo nto icacile ukuba noko bayijonge kakuhle, nesigwebo
sakhe
seminyaka elishumi noko asinakuthi asifanalekanga. Kaloku asinakuvele
sithi hayi esi sigwebo sikhulu okanye sincinci, okanye
thina
asisithandi. Ngokomthetho sisenokuphazamisana nesigwebo xa
singafanalekanga, oko kukuthi sisikhulu kakhulu, okanye sisincinci
kakhulu. Xa usijonga esisigwebo seminyaka elishumi kwityala
lokudlwengula noko akubonakali singafanalekanga.
Njengokuba uRumpff
J wayetshilo kwityala lika
S
v Zinn
1969 (2) SA 537
(A)
,
at 541 F “in trivial cases indeed Judges ought to be more inclined
to mildness, but in more serious cases to follow the severity
of the
laws with a certain moderation of generosity”. Kwaye uHolmes JA
yena kwityala lika
S
v V
1972 (3) SA 611
(A)
wathi
“Punishment should fit the criminal as well as the crime, be fair
to the accused and the society, and be blended with a measure
of
mercy; … The element of mercy, a hallmark of civilised and
enlightened administration, should not be overlooked, lest the Court
be in danger of reducing itself to the plane of the criminal…”
Ukudlwengula
nokuhlukumeza abasetyhini akwamkelekanga. Okulindelekileyo emadodeni
kukukhusela amalungelo abafazi. Inkundla noko iye
imbonelele
ummangalelwa malunga nesigwebo xa imeko ivuma. Naxa kunjalo, inkundla
ayinakumthethelela umntu odlwengule umfazi kwimeko
ezimasikizi.
Ngokokwamukubona
isibheno sakho malunga nesigwebo (isentence) noko asinakuphumelela
kulenkundla. Nasi isigwebo senkundla, isibheno
sakho siyasichitha.
______________________________
Hlophe, JP
Ndiyavumelana
nawe
______________________________
Zondi, AJ